Өнгөрсөн 24 цагийн хугацаанд улсын хэмжээнд 94 иргэн коронавирусийн халдвараар өвчилсөн нь PCR шинжилгээгээр батлагджээ. Энэ нь сүүлийн есөн сар гаруйн хугацаанд нэг хоногт шинээр илэрсэн хамгийн бага тохиолдол болов. Нийт бүртгэгдсэн тохиолдлын тоо 386,635 болж, шинээр илэрсэн тохиолдлуудын хоёр нь гаднаас зөөвөрлөгдөж, 92 нь дотоодоос халдвар авчээ.
Дотоодын халдварын тохиолдууд 75 нь Улаанбаатар хотод, 17 нь орон нутагт бүртгэгдсэн байна. Харин коронавируст халдварын улмаас 61-80 гаруй насны гурван хүн нас барсан бөгөөд COVID-19 халдварын улмаас нийтдээ 1,963 хүн эндээд байна.