Монгол Улсын бүх иргэнийг тавдугаар сарын 1-нээс эрүүл мэндийн үзлэг, шинжилгээнд хамруулна
Info@medeelne.mn
21 цагийн өмнө
Засгийн газрын хуралдаанаас гаргасан шийдвэрийн талаар Эрүүл мэндийн сайд С.Энхболд мэдээлэл хийлээ. Тэрээр "Иргэн бүрийг эрүүл мэндийн урьдчилан сэргийлэх, эрт илрүүлэх үзлэг, оношилгоонд хамруулах бодлого хэрэгжүүлж байгаа. Манай улсын дундаж наслалт эмэгтэй 70.8, эрэгтэй 60.6 жил байдаг. 2024 он гэхэд энэ насны зөрүүг таван жил болгоно гэсэн заалт Засгийн газрын мөрийн хөтөлбөрт бий. Ирэх тавдугаар сарын 1-нээс урьдчилан сэргийлэх, эрт илрүүлэх эрүүл мэндийн үзлэг, оношилгоонд иргэдийг хамруулах аяныг эхлүүлнэ. Энэ нь давхар ковидын дараах нөхөн сэргээх эмчилгээнд бодитой үр дүн авч ирнэ гэж бодож байгаа.
Амьсгалын тогтолцоо, шээс, бэлгийн зам, хоол боловсруулах, гэмтэл согог гэсэн таван өвчин нийт өвчлөлийг тэргүүлдэг. Нас наралтын шалтгааныг зүрх судас, хавдар, осол гэмтэл, амьсгалын зам гэсэн өвчлөл тэргүүлдэг. Тиймээс урьдчилан сэргийлэх үзлэг, оношилгоогэдгээр өвчлөл рүү чиглүүлнэ" гэлээ
°C