Хөгжлийн банкнаас их хэмжээний зээл аваад төлөөгүй МАН-ын гишүүн, УИХ-ын гишүүдтэй холбоотой асуудлаар МАН-ын Хяналтын ерөнхий хороо өнөөдөр хуралдаж ажлын 3 хоногт багтаан албан ёсны тайлбараа өгөхийг үүрэг болголоо.
УИХ-ын гишүүн С.Бямбацогт, УИХ-ын гишүүн Г.Амартүвшин, УИХ-ын гишүүн Х.Ганхуяг, УИХ-ын гишүүн Г.Дамдинням, УИХ-ын гишүүн асан М.Билэгт, УИХ-ын гишүүн асан А.Сүхбат, Барилга, хот байгуулалтын дэд сайд асан Ш.Лхамсүрэн , НИТХ-ын төлөөлөгч асан Ш.Үнэнбат нарыг одоогоор яллагдагчаар татан шалгаж байгаа албан ёсны мэдээлэл байхгүй. Гэхдээ гишүүдийн сахилга, хариуцлага, ёс зүйтэй холбоотой хэрэгжиж эхэлсэн МАН-ын дүрэмд орсон нэмэлт өөрчлөлтөөр албан тушаалын гэмт хэрэг үйлдэж, яллагдагчаар татагдсан тохиолдолд тухайн гишүүн түдгэлзэх хүсэлтээ өөрөө ирүүлдэг бөгөөд ирүүлээгүй тохиолдолд Хяналтын ерөнхий хороо хуралдаж, намын гишүүнээс нь түдгэлзүүлнэ хэмээн МАН-ын Хяналтын Ерөнхий Хорооны дарга Б.Баярбаатар сэтгүүлчдэд мэдэгдлээ