Засгийн газраас Мэргэжлийн хяналтын ерөнхий газрыг татан буулгаж, салбар яамд болон төрийн байгууллагуудад хяналт шалгалтын чиг үүргийг хариуцуулах болсонтой холбогдуулан бүтцийн шинэчлэл, өөрчлөлт хийх тухай асуудал яригдах болсон.
Иймд энэ талаар Засгийн газрын Хэрэг эрхлэх газрын дарга Д.Амарбаясгалангаас тодруулахад “Мэргэжлийн хяналтын ерөнхий газрыг татан буулгаж, мэргэжлийн чиг үүрэг бүхий хяналт шалгалтыг тухайн яамдад шилжүүллээ гээд орон тоо нэмэх, давхардсан бүтэц бүрэлдэхүүн бий болгохгүй. Учир нь, Сангийн яам дэргэдээ санхүүгийн хяналт шалгалтаа аваад явж байгаатай адил яамны тогтсон бүтэц дээр зохион байгуулна. Иймд яам болгон хяналт шалгалтын газар, хэлтэс байгуулахгүй” хэмээв.
°C