Хөхөө өвлийн хүйтэнд залуусыг Сүхбаатарын талбай дээр хэдэн өдрөөр жагсах хүртэл бухимдуулсан нүүрсний хулгайн бодит үнэн дүн хэд вэ? 444 их наяд, 400 их наяд төгрөг, Монгол Улсын нэг иргэн бүрд 125 сая төгрөг ногдох хэмжээний мөнгийг хулгайлсан гээд хэн ч сонссон босч тэмцмээр, жагсаж эсэргүүцэхээр их мөнгөний тоог УИХ-ын гишүүн Х.Доржханд зарласан. Харамсалтай нь энэ тоо ташаа болохыг шалгах ажлын хэсгийн дарга нь өнөөдөр мэдэгдсэн. 5 дахь өдрөө жагсч буй иргэдийг ил далд, санаатай турхирсан бүлэг ард нь буйг жагсаалаас бүрэн харж болохоор байна.
Үнийн дүн 400 байна уу 40 их наяд байна уу хулгай бол хулгай. Гэхдээ энэ маш их тоо, үнийн дүнг жинхэнэ хулгайчид нь санаатайгаар тарааж байгаа бололтой. Магадгүй өөрсдийнх нь хулгайлсан мөнгө үүнээс ч илүү байж мэднэ. Гол нь ийм мөнгөн дүнг сонссон ямар ч ард түмэн босч тэмцэх нь, төр засагт эсэргүүцлээ илэрхийлэх нь хулгайчдад ашигтай байсан.
Энэ талаар эдийн засагч defacto Жаргалсайхан цахим хуудастаа мэдэгдсэн нь үнэний ортой юм. Тэрбээр болж байгаа энэ жагсаал, үйл явдлыг товчхондоо бол авлигач, хулгайч нар иргэдийн бухимдал дээр дөрөөлж, их мөнгөн дүнгээр төр засгийн эсрэг турхирч буй турхиралт хэмээн үзэж буйгаа илэрхийлжээ.
Тавантолгойн нүүрсний ордоос хулгай хийх нь ард түмний эсрэг гэмт хэрэг яалт ч үгүй мөн билээ. Тиймээс хулгайч авлигачдын хулгайлсан мөнгөний эсрэг ард түмэн Засгийн газартайгаа нэгдэж тэмцэн хамгийн хатуу хариуцлага хүлээлгэх нь жинхэнэ утгаараа шударга ёс, тэгш боломжийг залуустаа олгох эхний алхам.
Мөн Төрийн тэргүүний хэлсэнчлэн Прокурор, шүүх, АТГ харин одоо ажлаа хийцгээх ёстой. Тэд яагаад бүлх залгисан мэт дуугай байгаа вэ? Хариулт нэхэх асуудал ...