Филиппиний Ерөнхийлөгч асан Родриго Дутертегийн эхлүүлсэн харгис хэрцгий “хар тамхины дайнд” амь үрэгдэгсдийн хэргийг шийдээгүй. Тэгвэл Олон Улсын Эрүүгийн Шүүх (ОУЭШ) тус хэрэгтэй холбогдуулан хүн амины хэргийн мөрдөн байцаалтаа үргэлжлүүлнэ гэж мэдэгдсэн. Үүний дараахан амь үрэгдэгсдийн ар гэрийнхэн шинэ Засгийн газрыг ОУЭШ-тэй хамтран ажиллахыг уриалсан.
Тус улсын далд эдийн засгийг бүрдүүлэгч хар тамхины наймаатай тэмцэхийн тулд Ерөнхийлөгч асан Родриго Дутертегийн харгис хэрцгий арга хэмжээ явуулсны улмаас олон зуун энгийн иргэд хохирсон ч одоог хүртэл тэдний хэрэг шийдвэрлэгдээгүй байгаа нь иргэдийн бухимдлыг төрүүлж байна.
Мөн хар тамхины дайны үеэр 20 настай Олдрин гэх залуу 2017 оны 10-р сард Кесон хотын гудамжаар хөндлөн гарч яваад амиа алдсан юм. Түүнийг мотоциклтой масктай этгээд 5 удаа буудаж, 3 сум нь толгойн тус газар нь оносны улмаас амиа алдсан байна. Хүүгийн аав Кастилло амь насыг хөнөөсөн хэргийн талаар цагдаад өргөдөл гаргаж, мөрдөн байцаалт эхлүүлсэн боловч, уг хэргийг үйлдсэн этгээдийг олох тал дээр цагдаагийнхан дорвитой арга хэмжээ аваагүй гэж Алжазира агентлагт өгсөн ярилцлагадаа дурджээ.
Харин хар тамхины дайны үеэрх хохирогчдын хэргийг ОУЭШ дахин нягтлан шалгах үйл ажиллагааг явуулж эхэлжээ.