Францын цагдаа нар тэтгэвэрт гарах насыг хоёр жилээр сунгасан засгийн газрын шийдвэрийг эсэргүүцэж буй иргэдийн жагсаалыг зэвсгийн хүчээр дарахаар оролдож байна.
Франц Улсын Ерөнхийлөгч Эммануэль Макрон тэтгэврийн насыг сунгах шийдвэр гаргасны дараа тус улсын иргэд гудамжиндаа гарч жагссан бөгөөд уг эмх замбараагүй байдлыг дарах арван мянган офицерыг томилжээ.
Хуульчид болон хүний эрхийн нийгэмлэгүүд жагсагчдын хөдөлгөөнийг таслан зогсоох, урьдчилан сэргийлэх, баривчлах, жагсаалд оролцож буй идэвхтнүүдийн талаар мэдээлэл цуглуулах, олон нийтийг хүчээр хянах зэрэг хууль сахиулах байгууллагын хэрэгжүүлж буй арга хэрэгслийг хүчтэй шүүмжилж байна.
НҮБ-ын зүгээс Францын цагдаа нарыг хэт их хүч хэрэглэхээс зайлсхийхийг уриалсан бол Европын Холбооны хүний эрхийг хамгаалах байгууллага хүч хэрэглэх арга нь эмх журмыг сахиулахтай холбоотой эсэхэд эргэлзэж байна.
Гуравдугаар сард л гэхэд 2100 гаруй хүнийг баривчилсан хэдий ч тэднээс маш цөөхнийг буруутайд тооцсон. Мөн Сент-Солин усан сан дахь байгаль орчныг хамгаалах эсэргүүцлийн жагсаалд оролцсон хоёр хүн ухаангүй хэвээр байгаа бөгөөд 286 жагсагч шархадсаны нэг нь нүдээ алдсан, бас нэг хүн хуруугаа алдсан байна.
Эх сурвалж: French police deploy rough tactics at anti-government protests | Financial Times (ft.com)