БНХАУ болон Энэтхэг Улс 2023 оны 4-р сард ОХУ-ын экспортолж буй нефтийнхээ дийлэнх хувийг Барууны улс орнуудын дээд хязгаараас давсан үнээр буюу нэг баррелийг нь 60 ам.доллароор худалдаж авч байна. Ройтерс агентлагийн мэдээлснээр, Европын холбооны зарим улсууд ОХУ-д шахалт үзүүлж эдийн засгийн хориг арга хэмжээг нэмэгдүүлэхийн тулд 1 баррель нефтийг зах зээлийн ханшаас доогуур авах үнийн саналыг гаргаж байжээ. Энэхүү үнийн хязгаарлалтыг дэмжигчид нь ОХУ-ын газрын тосны экспортын орлогыг бууруулж, газрын тосны нийлүүлэлтийг зогсоохгүй байх гэсэн бодлогын шийдэл гэж үзсэн бол эсэргүүцэж буй улс орнууд тус улсад хэтэрхий зөөлдсөн хориг арга хэмжээ гэсэн байр суурьтай байна. Харин ОХУ-ын газрын тос олборлогч “Refinitiv Eikon” хамгийн сүүлийн үеийн тайлан мэдээллээс үзэхэд 2023 оны эхний улирлын байдлаар нефть ачсан чингэлгүүд ихэвчлэн Энэтхэг болон БНХАУ-ын боомтуудыг чиглэсэн зураглал гарчээ. Үүнийг олон улсын шинжээчид Барууны улсуудын тогтоосон 1 баррель нефтийн үнийн дээд хязгаарыг Энэтхэг болон БНХАУ даган мөрдөхгүй байгаа нь ОХУ-ыг дэмжиж буй илрэл хэмээн тодорхойлжээ.