АНУ-ын Ерөнхийлөгч Жо Байден болон БНСУ-ын Ерөнхийлөгч Юн Сук Ёл нар АНУ-ын цөмийн шумбагч онгоцнуудыг тус улсын усан хилийн орчимд шат дараатай байрлуулах төлөвлөгөөг багтаасан чухал хэлэлцээрийг баталгаажууллаа.
Тодруулбал, АНУ-ын зүгээс БНСУ-ын зэвсэгт хүчнийг болзошгүй аюулын үеэр Хойд Солонгосын эсрэг цөмийн зэвсэг хэрэглэх байлдааны үйл ажиллагааны төлөвлөгөөнд нэгдэн орохыг зөвшөөрлөө.
Харин БНСУ-ын тал бие даан аливаа төрлийн цөмийн зэвсэг бүтээхгүй байх нөхцөлтэйгөөр хоёр тал харилцан зөвшилцөлд хүрсэн байна.
“Вашингтоны тунхаг” гэж нэрлэгдсэн энэхүү хэлэлцээр нь Хойд Солонгосын довтолгоог таслан зогсооход холбоотнуудын хамтын ажиллагааг бэхжүүлнэ гэж АНУ-ын Ерөнхийлөгч Жо Байден албан ёсны мэдэгдлээ дурджээ.
Эх сурвалж: https://www.bbc.com/news/world-us-canada-65404805