Netflix компанийн бүтээл "Squid Game" олон ангит кино гарсан даруйдаа шуугиан тарьж АНУ-ын зах зээлд тэргүүлсэн анхны солонгос кино болсон билээ. 45,6 тэрбум воны бооцооны төлөө амь насаа үл хайхран нууцлаг эрсдэлтэй тоглоомд оролцож буй хүмүүсийн тухай гардаг
Нэг л өглөө сэрсэн чинь гурвалжин, дөрвөлжин, дугуй дүрстэй нэрийн хуудас, дээрээ янз бүрийн зурагтай бөөрөнхий чихэр болон зүү, ногоон бэлтгэлийн хувцастай зөндөө олон хүн, “Консуни”-гийн арай царай муутай хувилбар ч юм шиг хүүхэлдэйн зургаар сошиал платформууд дүүрчихсэн байсан. Азид төдийгүй дэлхийн хэмжээнд Netflix-ийн шилдэг цувралын жагсаалтыг тэргүүлж чадсан уг бүтээлийн хоёрдугаар бүлэг тун удахгүй гарах гэж байна.
Уг киноны зохиолч, найруулагч Hwang Dong Hyuk нь “Silenced” (2011), “Miss Granny” (2013), “The Fortress” (2017) кинонуудаараа алдартай нэгэн. Тэрээр өөрийнхөө анхны олон ангит бүтээлийн тухай “Томчуудын амьдралын төлөөх эцэс төгсгөлгүй тэмцлийг хүүхдүүдийн тоглоомтой холбож, хамгийн гэгээлэг дурсамжууд хэрхэн аймшигтай болон өөрчлөгдөж буйг кино болгон хийхийг хүссэн” гэж хэлсэн байдаг бол “Squid Game” цувралыг арав гаруй жилийн турш төлөвлөж, бэлдсэн ба эцэст нь есөн ангит кино болон үзэгчдийн хүртээл болгосон аж.
Зохиолч, найруулагч Hwang Dong Hyuk “Squid Game шиг цувралын зохиол бичих нь надад маш бэрх байсан. Эхний хоёр ангийн зохиолыг би зургаан сарын турш бичсэн л дээ. Заримдаа найзуудтайгаа уулзаад санаа бодлоо солилцдог байлаа. Харин хоёрдугаар бүлгийн тухайд бодсон төлөвлөгөө байхгүй ч хэрэв хийхээр болбол зохиол дээр ганцаараа ажиллахгүй. Илүү олон зохиолч, найруулагчтай хамтарна гэж бодож байна” хэмээн тухайн үед хэвлэлүүдэд байр сууриа идэрхийлж байв.