Баялгийн сангийн тухай хуулийн төслийн эцсийн хэлэлцүүлгийг УИХ-ын чуулганаар явуулж байгаатай холбогдуулан Ерөнхий сайд Л.Оюун-Эрдэнэ байр сууриа илэрхийллээ.
Тэрээр:
-Энэ хуулийг гишүүд дэмжиж өгнө гэдэгт итгэлтэй байна. Янз бүрийн лобби бий, гишүүд автахгүй байхыг хүсье. 2006 онд орсон стратегийн ордуудын дийлэнх нь одоо байхгүй болчихсон. Үүсмэл ордтой холбоотой асуудлыг П.Цагаанаас эхлээд хог хаягдал гээд байгаа. Үгүй шүү. Энэ бол баялаг шүү. “Ачит Эх”-ийн ард Ц.Элбэгдорж байгаа. Цаглабар гээд дансанд “Ачит Эх” 13 сая ам.доллар шилжүүлсэн. Энэ ил тод байдал юм уу. Ц.Элбэгдорж миний үгийн алдаа байлаа гэсэн байна лээ. Төрийн тэргүүн байсан хүн үгийн ийм алдаа гаргадаг юм уу. Стратегийн ордыг хууль дамжуулж хулгайлдаг асуудал энд хүрээд цэглэгдэх ёстой. Үндэсний баялгийн сангийн асуудал олон жил яригдсан, одоо шийдэх хэрэгтэй. П.Цагаан одоо боль, МАК одоо боль. Тэгэхээр одоо хангалттай, аятайхан байцгаачих, яасан их мөнгөтэй юм бэ.
°C