“Боловсролын сургалтын байгууллагын гүйцэтгэлийн үнэлгээний индексийн түвшин ахисан сургууль, цэцэрлэг”-ийг шалгаруулж, урамшуулал олголоо

Info@medeelne.mn
2024/06/08

2022 оноос орон даяар “Боловсролын сургалтын байгууллагын болон багшийн ажлын гүйцэтгэлийн үнэлгээ”-г гаргадаг болсон. Энэ хүрээнд НЗД-ын 2024 оны захирамжаар анх удаа “Боловсролын сургалтын байгууллагын гүйцэтгэлийн үнэлгээний индексийн түвшин ахисан сургууль, цэцэрлэг”-ийг шалгаруулж, НЗДТГ, нийслэлийн Боловсролын газар хамтран “Байгууллагын гүйцэтгэлийн үнэлгээний индексийн түвшин ахисан сургууль, цэцэрлэгт индексийн урамшуулал олгох” хүндэтгэлийн арга хэмжээг зохион байгууллаа. 

Энэ үеэр “Байгууллагын гүйцэтгэлийн үнэлгээний индексийн түвшин ахисан цэцэрлэг”, “Нийслэлийн шилдэг менежменттэй сургууль”-ийг шалгаруулж, шагнал гардуулав. Мөн гэр бүлийн хөгжлийг дэмжих, боловсролын салбар дахь багшийн нийгмийн асуудлыг шийдвэрлэх хүрээнд гэр бүлээрээ нийслэлийн боловсролын салбарт ажиллаж буй таван өрхөд Нийслэлийн орон сууцны корпорациас түрээслээд өмчлөх хэлбэрийн орон сууцыг олгож, Хотын дарга батламжийг гардуулсан юм.

Сургалтын байгууллагын гүйцэтгэлийн үнэлгээг дараах зургаан шалгуур үзүүлэлтээр гаргасан байна. Үүнд: 

  1. Байгууллагын менежмент, удирдлагын манлайлал, 
  2. Сургалтын хөтөлбөрийн хэрэгжилт, үр дүн, 
  3. Хүүхдийн хөгжил хамгаалал, 
  4. Хүний нөөцийн бодлого, багш, удирдах ажилтны тасралтгүй хөгжил, 
  5. Сургалтын орчин бүрдүүлэлт, 
  6. Эцэг эх, олон нийтийн түншлэл, оролцоо гэсэн шалгуур үзүүлэлтээр үнэлсэн аж. 

Нийслэлийн Боловсролын газрын дарга Б.Амартүвшин “Нийслэлээс хүнээ хөгжүүлэх буюу боловсролын чанараа сайжруулахад багш, удирдах ажилтнуудаа илүү дэмжиж ажиллахаар зорьж байгаа. Энэ хүрээнд сургуулийн өмнөх боловсрол, ерөнхий боловсролын сургуулиудыг шалгуур үзүүлэлтийн дагуу үнэлж, индексийн түвшин ахисан амжилтыг урамшуулах энэхүү ажлын хүрээ нь жилээс жилд улам өргөжин үр дүнд хүрч, баг хамт олноор дүүрэг, нийслэлийн хэмжээнд өөрсдийн арга зүй, туршлагаа түгээн дэлгэрүүлж, хамтран ажиллах хөшүүрэг болно гэдэгт итгэлтэй байна” хэмээлээ.

Нийслэлийн ерөнхий боловсролын 52 дугаар сургуулийн хөгжмийн багш Т.Мөнхжаргал, 35 дугаар цэцэрлэгийн бүлгийн багш Б.Ариунжаргал нарын гэр бүл:

“Манай гэр бүл боловсролын салбарт 11-14 дэх жилдээ ажиллаж байна. Үнэ цэнтэй, сайхан шагнал гардлаа. Боловсролын салбарт үр бүтээлтэй, тууштай ажилласны ач гавьяа гэж бодож байна. Нийслэлийн зүгээс багш нарын нийгмийн асуудлыг анхаарч, энэ олон өрх гэрүүдэд аз жаргалыг бэлэглэж байгаад үнэхээр их баярлалаа” хэмээн сэтгэгдлээ хуваалцав.

“БАЙГУУЛЛАГЫН ГҮЙЦЭТГЭЛИЙН ҮНЭЛГЭЭНИЙ ИНДЕКСИЙН ТҮВШИН АХИСАН СУРГУУЛЬ, ЦЭЦЭРЛЭГТ ИНДЕКСИЙН УРАМШУУЛАЛ ОЛГОХ” ХҮНДЭТГЭЛИЙН АРГА ХЭМЖЭЭНИЙ ШАГНАЛЫН ЭЗЭД

“Байгууллагын гүйцэтгэлийн үнэлгээний индексийн түвшин ахисан цэцэрлэг”

  1. Сонгинохайрхан дүүргийн 170 дугаар цэцэрлэг
  2. Сонгинохайрхан дүүргийн 117 дугаар цэцэрлэг
  3. Сонгинохайрхан дүүргийн 263 дугаар цэцэрлэг
  4. Баянгол дүүргийн 30 дугаар цэцэрлэг
  5. Баянзүрх дүүргийн 172 дугаар цэцэрлэг
  6. Баянзүрх дүүргийн 6 дугаар цэцэрлэг
  7. Баянгол дүүргийн 164 дүгээр цэцэрлэг
  8. Чингэлтэй дүүргийн 155 дугаар цэцэрлэг
  9. Баянгол дүүргийн 88 дугаар цэцэрлэг

“Нийслэлийн шилдэг менежменттэй сургууль”

  1. Сонгинохайрхан дүүргийн 42 дугаар сургууль
  2. Сонгинохайрхан дүүргийн 12 дугаар сургууль
  3. Сонгинохайрхан дүүргийн “Өнөр” сургууль
  4. Сүхбаатар дүүргийн 31 дүгээр сургууль
  5. Сүхбаатар дүүргийн 2 дугаар сургууль

Түрээслээд өмчлөх хэлбэрийн орон сууцад хамрагдах батламж хүртсэн нийслэлийн боловсролын салбарын таван гэр бүлээр:

  1. Нийслэлийн ерөнхий боловсролын 52 дугаар сургуулийн хөгжмийн багш Т.Мөнхжаргал, 35 дугаар цэцэрлэгийн бүлгийн багш Б.Ариунжаргал нарын гэр бүл;
  2. Нийслэлийн ерөнхий боловсролын “Эрдмийн ундраа” сургуулийн бага ангийн сургалтын менежер Н.Дамиран, 60 дугаар сургуулийн бага ангийн багш Э.Ууганжаргал нарын гэр бүл;
  3. Нийслэлийн ерөнхий боловсролын 97 дугаар сургуулийн зураг технологийн багш Б.Баттулга, 35 дугаар сургуулийн бага ангийн багш Л.Баяртогтох нарын гэр бүл; 
  4. Нийслэлийн ерөнхий боловсролын 39 дүгээр сургуулийн физикийн багш Т.Ган-Очир, 50 дугаар сургуулийн сургалтын менежер А.Болдмаа нарын гэр бүл;
  5. Нийслэлийн сургуулийн өмнөх боловсролын 146 дугаар цэцэрлэгийн биеийн тамирын багш М.Номин-Эрдэнэ, тус цэцэрлэгийн туслах багш Л.Баяртуул нарын гэр бүл шалгарч, түрээслээд өмчлөх орон сууцны батламжаа гардлаа.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС


0
angry
0
care
0
haha
0
liked
0
love
0
sad
0
wow

Шинэ мэдээ
Түрэгийн үеийн хүн чулуун хөшөөнүүдийг сэргээн завсарлаж байна 1 цагийн өмнө
Аюулт үзэгдэл, ослын үед ажиллахад шаардлагатай багаж, хэрэгслийг хүлэ… 1 цагийн өмнө
Пусан хотын Эдийн засгийг дэмжих агентлагийн дарга Сун Буг Чол тэргүүт… 1 цагийн өмнө
Монгол Ардын Намын Ерөнхий Нарийн Бичгийн дарга Д.Амарбаясгалан Говь-А… 1 цагийн өмнө
Авлигын эсрэг үгүй гэж хэлэхийн төлөө Монгол Ардын намыг багаар нь дэм… 1 цагийн өмнө
Монгол Ардын Намын Ерөнхий Нарийн Бичгийн дарга Д.Амарбаясгалан Ховд а… 1 цагийн өмнө
Шударга ёсны үзэл санаа, тэмцэл дээрээ ҮНЭН байх, ҮНЭНЧ үлдэхийг МАН у… 1 цагийн өмнө
Ерөнхий сайдын эхлүүлсэн шударга ёсны тэмцлийг Орхончууд дэмжиж байна 1 цагийн өмнө
Хан-Уул дүүргийн иргэд төрд бэлтгэгдсэн гурван нэр дэвшигчээ дэмжинэ 1 цагийн өмнө
Ерөнхий сайдын багийнхан зүүн бүсийг хөгжүүлэх шийдлээ танилцуулж байн… 1 цагийн өмнө
Шударга ёсны үзэл санаа, тэмцэлдээ үнэнч байхыг Ерөнхий сайд Л.Оюун-Эр… Өчигдөр
С.Батсайхан: Ус зайлуулах шугам угсарсан газруудад үзлэг хийхэд ус тун… Өчигдөр
Баянголын залуус гарааны бизнесийг дэмжих бодлогыг сайшааж байна Өчигдөр
“Ард түмэн нэгдмэл бас хүчтэйг харуулахын тулд дарханчууд та бүхэн Ерө… Өчигдөр
Л.Оюун-Эрдэнэ: Ч.Номингийн авлигын эсрэг тууштай зогссон үзэл санааг … Өчигдөр
Узбекистан улстай цахим засаглал, мэдээллийн технологийн салбарт хамтр… Өчигдөр
Б.Энхболд: Регистрийн дугаараар нь тухайн хүн хэнд санал өгснийг мэдэх… Өчигдөр
Баянзүрхчүүд МАН-ын мөрийн хөтөлбөрийг хэрэгжүүлэхийн тулд нэр дэвшигч… Өчигдөр
“Ард түмэн ялах уу, бүлэглэл ялах уу” гэдгийг сонгинохайрханчууд шийдн… Өчигдөр
Хан-Уул дүүргийн сонгогчид итгэл дүүрэн байна Өчигдөр