”Ногоон паспорт” аян сурагчдын талархлыг хүртэв
2018/09/19
Share |

Өрх бүрт өсвөрийн байгаль хамгаалагч бэлтгэх зорилготой “Ногоон паспорт” аяныг орон даяар өрнүүлж эхэллээ. Тус аяныг Байгаль орчин, аялал жуулчлалын яам өнгөрсөн гуравдугаар сард эхлүүлж, нийслэлийн ерөнхий боловсролын сургуулиудын ахлах ангийн сурагчдыг хамруулсан юм. Ингэхдээ нийслэлийн “Эко клуб”-ийн сурагчдын дунд видео бүтээх, хог түүх марафон, байгаль орчны залуу сурвалжлагч зэрэг уралдаан зарлаж, ахлах ангийн 25 мянган сурагчдад ногоон паспорт гардуулжээ. Тэгвэл энэхүү аяныг “Ногоон паспорт-Монгол орон даяар” болгон өргөжүүлж, нээлтийг нь өнгөрсөн бямба гарагт Дорноговь аймгийн Хамрын хийдэд хийлээ. Уг арга хэмжээнд Байгаль орчин, аялал жуулчлалын сайд Н.Цэрэнбат, Дорноговь, Говьсүмбэр аймгуудаас сонгогдсон УИХ-ын гишүүн Б.Дэлгэрсайхан, Г.Мөнхцэцэг болон орон нутгийн удирдлагуудаас гадна  Улаанбаатар, Дорноговь, Говьсүмбэр аймгийн 300 гаруй сурагч оролцов. Энэ үеэр сурагчдад байгаль орчноо хамгаалах талаар өртөөчилсөн сургалт зохион байгуулсны зэрэгцээ Монголын төдийгүй, бурхны шашны томоохон энергийн төв болох Хамрын хийдийг танилцуулах аялал зохион байгуулсан юм.

Тухайлбал, дөрөвдүгээр өртөөнд мэргэжилтнүүд мод суулгах аргачлал болоод Монгол орны ойн бүтцийн тухай, сүүлийн жилүүдэд ойн нөөц багасч буйн шалтгаан зэргийг нарийн тайлбарлаж, сурагчдад мэдээлэл өгч байлаа. Мөн озоны давхаргын цоорол, хүн, байгальд хэрхэн сөрөг нөлөө үзүүлэх, түүнийг хамгаалах чиглэлээр сургалт хийсэн юм. Энэ талаар Байгаль орчин, аялал жуулчлалын сайд Н.Цэрэнбат “Байгаль орчин, аялал жуулчлалын яамнаас өнгөрсөн жил “Ногоон паспорт” аяныг зарласан. Энэ аян нь өрх бүрт өсвөрийн байгаль хамгаалагч, шинэ эриний иргэдийг бэлтгэхээс гадна тогтвортой хөгжлийн зорилтуудад иргэдийн оруулах хувь нэмрийг нэмэгдүүлэх зорилготой. Өнгөрсөн гуравдугаар сард “Найрамдал” олон улсын хүүхдийн зусланд Улаанбаатар хотын “Эко клуб”-ийн сурагчдаар тус аяныг батлуулж , орон даяар өрнүүлэхээр болсон. Эхний ээлжид нийслэлийн ерөнхий боловсролын сургуулиудад зарлаж, уралдаан явуулсан. Аяны хүрээнд аюултай хог хаягдал, тэр дундаа батерейг ялгах, ахуйн хог хаягдлыг ангилах, ус, эрчим хүчээ хэмнэж дэлхий нийтийн өмнө тулгамдаж байгаа асуудлаа шийдэх зорилготой юм. Үүнээс гадна тогтвортой хөгжлийн зорилтуудыг биелүүлэх, байгалийн шавхагдах нөөцийг удаан хугацаанд тогтвортой ашиглах санаачилгыг хүүхдүүдэд төлөвшүүлэх зорилготой. Тиймээс хичээлийн шинэ жил эхэлсэнтэй холбогдуулан “Ногоон паспорт” аяныг Монгол орон даяар эхлүүлж байна. Ингэснээр ус, эрчим хүчээ хэмнэх, хог хаягдлаа ангилах, аюултай хог хаягдлаа ялгах гэх мэт олон дадал хэвшлийг хүүхдүүд өөрсдөө албан бус байдлаар сурч, анги хамт олноо уриалж байна” гэсэн юм. Тэрбээр энэ үеэр уг аяныг Дорноговь аймгийн Хамрын хийдэд нээж буй нь дотоодын аялал жуулчлалыг хөгжүүлэх зорилготой гэдгийг онцолж байлаа.

ХАМРЫН ХИЙДЭД ОЧСОН ЖУУЛЧИД МОД ТАРИНА

Дорноговь аймгийн Хамрын хийд нь дотоодын аялал жуулчлалын төв цэг бөгөөд уг газарт цэцэрлэгт хүрээлэн байгуулж, ойжуулахаар “Ногоон паспорт-Монгол орон даяар” аяны оролцогчид тус бүр мод тарьсан юм. Ингэснээр Хамрын хийдэд жуулчлахаар ирсэн хүн бүр нэг мод тарих эхлэлийг ийнхүү тавьж буй юм. Энэ талаар Байгаль орчин, аялал жуулчлалын яамны Ойн бодлого зохицуулалтын газрын дарга Б.Оюунсанаа “Бид говьд хамгийн сайн ургадаг гурван төрлийн 400 орчим модыг суулгалаа. Мод тарих нэг хэрэг. Хамгийн чухал нь усалгаа, арчилгаа байдаг. Эдгээр модны усалгаа, арчилгааг Хамрын хийдийн лам нар хариуцна. Яамны зүгээс мод тарьсан талбайг хашаажуулах, усалгааны систем хийх, сандал сүүдрэвч тавих зэрэг ажлыг хийлээ. Хамрын хийдийг зорьж ирсэн аялагч, жуулчид энэ цэцэрлэгт хүрээлэнд саатахын зэрэгцээ нэг мод тарьж, буян үйлдээд буцах боломжийг олгож байна” гэлээ.

СУРАГЧИД ҮГЭЭРЭЭ БИШ ҮЙЛДЛЭЭРЭЭ БАЙГАЛИА ХАМГААЛАХЫГ УРИАЛЛАА

Энэхүү аянд хамрагдсанаар байгаль орчноо хамгаалахад томчууд гэлтгүй хүүхдүүдийн оролцоо чухал болохыг сурагчид онцолж байлаа. Тэд үе тэнгийнхэндээ хандаж саванд ус хийж аягаа угаах, ил задгай хог хаяхгүй байх зэрэг зөв дадлыг өөртөө суулгахыг уриалж байсан юм. Аянд хамрагдсан сурагчдын сэтгэгдлийг хүргэе.

Дорноговь аймгийн V сургуулийн 8б ангийн сурагч М.Мөнх-Ундрах:

-Энэ аянд оролцоод байгаль дэлхийгээ илүү их хайрлах хүсэл төрсөн. Хүмүүс байгаль дэлхийгээ хайрлах ёстой гэж ярьдаг ч үйлдэл, сэтгэлээрээ харуулж чаддаггүй. Тиймээс байгаль дэлхийгээ хамгаалахын тулд үгээрээ бус үйлдлээрээ харуулаасай гэж хүсч байна. Аяга угаахдаа усаа гамнах, мод тарих, хог, шүлс, нус цэрээ ил задгай хаяхгүй байх гэх мэт жижигхэн зүйлс ч үр дүнгээ өгнө. Өнөөдрийн арга хэмжээ үнэхээр гоё байлаа. Зохион байгуулалт маш эмх цэгцтэй байсан. Танилцах аялал хийснээс гадна таван өртөөгөөр орж сургалтад суулаа. Сургалтуудаас хамгийн их таалагдсан нь мод тарих аргачлал байлаа. Багш нарын заасны дагуу бид мод тарьсан. Нэг хүн нэг мод тарьсан ч гэсэн хожим нь энэ тал битүү ногоон ой болно гэж итгэж байна.

Говьсүмбэр аймгийн II сургуулийн 11а ангийн сурагч н.Эрдэнэбат:

-“Ногоон паспорт-Монгол орон даяар” аянд хамрагдсандаа маш их баяртай байна. Энэ аян хүрээгээ тэлсээр бүх аймагт хэрэгжээсэй гэж хүсч байна. Манай аймгийн сургуулиудад байгаль орчныг хамгаалах чиглэлээр олон клуб ажилладаг. Гэхдээ клубт зөвхөн мод тарих, арчлах талаар заадаг бол Дорноговь аймгийн сургуулийн клубууд байгаль орчны бүх чиглэлээр сургалт хийдэг гэсэн. Үүнээс бидэнд суралцах зүйл их байлаа. Хүүхдүүд байгаль орчноо хамгаалах сэтгэлтэй байгаасай гэж хүсч байна. Хогоо хаяхдаа хогийн саванд хаяж хэвших нь байгалиа хамгаалах сэтгэл гэж боддог.

Түүнчлэн сурагчид аянд хамрагдсанаар сурсан туршлага, өөртөө суулгасан зөв дадал хэвшлээ бусаддаа танилцуулсан юм. Хүүхдүүдэд байгаль орчныг хамгаалах талаар мэдлэг мэдээлэл олгох, бага наснаас нь байгаль орчинтой зөв харьцах хэвшил суулгах зорилго бүхий уг аяныг цаашид орон даяар танилцуулах, ногоон паспортыг сурагчдад олгох, хаягдал зай хураагуур цуглуулах хайрцгийг сургуулиудад байрлуулах зэрэг ажлыг улсын хэмжээнд зохион байгуулах юм байна.

Сэтгэгдэл бичих
АНХААРУУЛГА: Зочдын сэтгэгдэлд сайтын зүгээс ямар нэг хариуцлага хүлээхгүй болохыг анхаарна уу!
Сэтгэгдэл
.:: Ажлын зар
  • “Шинэ Анагаах Ухаан” Их Сургуульд сувилахуйн багш ажилд авна.
    Тавигдах шаардлага: • Сувилахуйн бакалавр зэрэгтэй байх • Сувилахуйн мэргэжлийн лицензтэй байх • Эрдмийн зэрэг цол (магистр түүнээс дээш бол давуу тал болно) • Багаар ажиллах чадвартай • Гадаад хэл, компьютерын зохих мэдлэгтэй “Шинэ Анагаах Ухаан” Их Сургуулийн Сургалтын Бодлого Зохицуулалтын Албаны дарга С.Нансалмаа Утас: 80018080, 91925888, 99040266
    2018-04-27
  • Газар зарна
    Чингэлтэй дүүргийн 19 хороо Яргайтын Богинод 6х6 хэмжээтэй Зуслангийн Байшинтай газар, мөн нэг айлын газрын хамт зарна Утас: 91020812
    2017-08-22
  • Газар яаралтай зарна
    Сонгино хайрхан дүүргийн 22-р хороо Тахилтын зам ангийн буудлын ард гурван тал хашаатай газар яаралтай зарна.Бичиг баримт бүрэн. Утас: Утас: 89294422
    2016-03-20
  • Газар яаралтай зарна
    Сонгино хайрхан дүүргийн 22-р хороо Тахилтын зам ангийн буудлын ард гурван тал хашаатай газар яаралтай зарна.Бичиг баримт бүрэн. Утас: 89294422
    2016-03-20
  • Микро автобус зарна
    Микро автобус яаралтай зарна Утас: 98190897
    2016-02-19
  • Микро автобус зарна
    Микро автобус яаралтай зарна Утас: 98190897
    2016-02-19
  • Микро автобус зарна
    Микро автобус яаралтай зарна Утас: 98190897
    2016-02-19
  • Солонгост сурч, эмчлүүлж,аялуулна
    Олон жилийн туршлагатай “Пи Эс Даблью” ХХК – нь Солонгосын Их дээд сургуулиудад хэлний бэлтгэл, баклавр, магистерт бүх төрлийн мэргэжилээр хамгийн хямд суралцуулна. Төлбөр виз гарсны дараа. Монголд сурч байгаа сургуулиасаа шилжин 3 р курсээсээ сурах боломжтой. Утас: 9505-4415, 8991-8109,89918109
    2014-11-19
  • “Пи Эс Даблью” ХХК
    Солонгосын Чэйл, Мария зэрэг эмэгтэйчүүдийн, үргүйдлийн шилдэг эмнэлэг, Hanyang, Seoul- ийн Их сургуулийн болон Нуруу Нугасны чиглэлээр шилдэг Гүми Гандун зэрэг эмнэлгүүдэд бүх төрлийн оношлогоо, эмчилгээ. /Яаралтай өвчтөнд 7 хоногийн дотор Солонгосын Хууль Зүйн яамнаас виз авч өгнө./ 3. Та бүхэн оношилгоо шинжилгээнд хамрагдан солонгосын үзэсгэлэнтэй байгалаар найз нөхөд, гэр бүлийн хүрээнд аялаж амрах боломжтой. Утас: 9505-4415,9199-8109,89918109
    2014-11-19
  • ЗАРЛАЛ
    Отгонбаатарын Мягмар-20 настай 2014 оны 10-01 өдөр Цайз захад 16 орчимд байдаг гэрээсээ гараад одоо болтол эргэж ирээгүй харсан үзсэн хүн холбоо барина уу. Гарахдаа Улаан өнгийн канттай хар хөх юүдэнтэй цамц цагаан, цэнхэр женсэн өмд, гуталтай гарсан. Биеийн өндөр 165 см, мөн баруун хөл нь гишгээ доголон бор царайтай. Утас: 89949186, 95053232
    2014-11-05
  • Үсчингийн газар түрээслүүлэнэ
    Монгол 3-р сургуулийн зүүн талд үсчингийн газар түрээслүүлэнэ Утас: 99727344
    2014-10-22
  • “Пи Эс Даблью” ХХК
    Солонгосын Чэйл, Мария зэрэг эмэгтэйчүүдийн, үргүйдлийн шилдэг эмнэлэг, Hanyang, Seoul- ийн Их сургуулийн болон Нуруу Нугасны чиглэлээр шилдэг Гүми Гандун зэрэг эмнэлгүүдэд бүх төрлийн оношлогоо, эмчилгээ. /Яаралтай өвчтөнд 7 хоногийн дотор Солонгосын Хууль Зүйн яамнаас виз авч өгнө./ 3. Та бүхэн оношилгоо шинжилгээнд хамрагдан солонгосын үзэсгэлэнтэй байгалаар найз нөхөд, гэр бүлийн хүрээнд аялаж амрах боломжтой. Утас: 9505-4415,9199-8109,89918109
    2014-10-15
  • Солонгост сурч, эмчлүүлж,аялуулна
    Олон жилийн туршлагатай “Пи Эс Даблью” ХХК – нь Солонгосын Их дээд сургуулиудад хэлний бэлтгэл, баклавр, магистерт бүх төрлийн мэргэжилээр хамгийн хямд суралцуулна. Төлбөр виз гарсны дараа. Монголд сурч байгаа сургуулиасаа шилжин 3 р курсээсээ сурах боломжтой. Утас: 9505-4415, 8991-8109,89918109
    2014-10-15
  • Ажилд авна
    1. МУЖААН 2. АРМАТУРЧИН 3. БАРИЛГЫН ТУСЛАХ Цалин өндөр. Утас: 99059950
    2013-07-17
  • Барилгын хяналтын инженер ажилд авна.
    Цалинг ярьж тохирно. Утас: 89859011
    2013-07-17
  • Микро автобус зарна
    Утас: 98228610
    2013-06-27
  • 2009 онд орж ирсэн Land cruiser -80 зарна
    1996 онд үйлдвэрлэгдсэн улаан хүрэн өнгөтэй Land cruiser -80 маркийн автомашиныг яаралтай зарна. Утас: 99234934
    2013-06-27
  • Автобусаар үйлчилнэ
    45 хүний суудалтай жуулчин автобусаар үйлчилнэ. Утас: 88086094
    2013-06-07
  • Барилга
    Барилгын туслах ажилтан, өрлөгчин, армартурчин ажилд авна. Цалин өндөр. Утас: 88084148
    2013-06-05
  • Жуулчин автобусаар үйлчилнэ
    Хонхны баяр болон албан газрын амралт, зугаалганд явж өгнө. Утас: 88984959
    2013-06-04
  • Ногооны газар зарна
    ХУД-ын шувуун фабрикт ногоо тарих болон фермэр ажиллуулахад тохиромжтой 3 га газар зарна. Утас: 96061907,88807699 И-мэйл: shmbliss1@yahoo.com
    2013-05-29
Валютын ханш
  • Сүүлд нэмэгдсэн
  • Их уншсан